فيديو.. بدموع مؤثرة “بانون”يتحدث عن فترة صعبة عاشها قبل المونديال ويبدي سعادته بهذا الأنجاز

قال مدافع المنتخب الوطني بدر بانون في تصريحات صحفية أعقبت هزيمة الأسود أمام كرواتيا 1/2والتي جرت اليوم السبت لحساب مبارة تحديد المركزين الثالث والرابع لمونديال “قطر 2022”.

“كنا كنتمناو أننا نلعبو النهائي ونفوزو باللقب نظرا للمستوى الكبير لي ظهر بيه المنتخب المغربي في المونديال “

وأضاف : ” كان الهدف إحراز ميدالية لي نقدرو نفتاخرو بيها السنوات الجاية مع وليداتنا والجمهور ديالنا والملك ديالنا “.

” مبارة اليوم مبديناش مزيان ، حتا واحد مكانش كيتوقع اننا نحققو هاد الإنجاز والكل غيتذكر هاد الإنجاز الكبير على مدى السنوات المقبلة”.

وتابع : ” ليس سهلا على اي منتخب باش يوصل لنصف النهائي كل الشكر للجماهير المغربية لي ساندتنا سواء لي كاينة هنا فقطر و لي كاينة في جميع انحاء العالم”.

وختم : “قبل اربع اشهر من انطلاق المونديال مريت من فترة صعيبة كنت كنفكر نحبس الكرة ، كنشكر الزوجة والعائلة ديالي لي كانو معيا و كنشكر الركراكي لي عطاني فرصة وخلاني نكون من بين الابطال لي شرفو الراية المغربية”.

“كنشكر اي واحد وقف معيا فديك الفترة لانني كنت محتاج ، ماشي ساهل انك كتنعس بالليل و كتفكر واش غدا غادي تصبح تشوف ولدك ولا لا … هادشي كنت كنعيشو ولكن حتا واحد مقدرش نقولها ليه ولكن ربي كبير”.

واكتفى المنتخب المغربي بالمركز الرابع في مونديال “قطر 2022” بعد الهزيمة قبل قليل أمام كرواتيا بهدفين لواحد ضمن مبارة تحديد المراكز (الثالث والرابع).